A orixe da Fundación reside no morgado vincular fundado en 1790 por Inés María de Pinto e Justo, viúva de Santiago Malvar de Castro, e o seu neto Pedro Acuña e Malvar.
Aprobada pola Coroa en 1791 foi incrementando o seu patrimonio durante os s. XVIII e XIX, dirixido a manter o status da familia e do Pazo da Carballeira de Gandarón.
Co propósito de conservar, estudar e divulgar o patrimonio vinculado ás dinstintas liñaxes da familia Malvar, a Fundación reconvertéuse nunha institución cultural privada.
Notas biográficas
Patrimonio
Xenealoxía
“La casa solar de los Malvar es el llamado Pazo de la Carballeira de Gandarón, parroquia de San Martín de Salcedo, en las afueras de la villa de Pontevedra, que últimamente dejó de pertenecer a sus dueños. Y aunque distintos individuos del linaje ingresaron en la Orden de Carlos III y dieron ilustres figuras a la Iglesia y a la Patria, los Malvar no han merecido ni una ligera reseña en los tratadistas antiguos ni modernos.”
Fr. José Santiago Crespo, “El linaje de Malvar” en El Museo de Pontevedra, 1956.
Mediante concesión ou matrimonio foron obtidos diversos títulos nobiliarios e condecoracións de Corporacións e Ordes cabaleirescas, relixiosas e militares.
Títulos de Nobreza
Os títulos de conde de Malvar, Bugallal, Tomentosa, Creixell e Torrenovaes de Quiroga; vizconde de Espasantes; barón de Casa Goda e de la Pobadilla están vinculados á familia.
“Quadam qualitate, quae facit persona differre a plebeis, et iste est nobilitas secundum vulgare nostrum.”
Bártolo de Sassoferrato, Opera Omnia, 1591-1602.
A Fundación leva tempo traballando para achegar os seus fondos ao público xeral, creando e reforzando os vínculos entre a sociedade e a institución e contribuíndo -grazas tamén ao mecenado das Amigas e Amigos- á conservación, estudo e divulgación do patrimonio cultural procedente das distintas liñaxes familiares.
A través dun concerto co selo editorial Obarrio Montenegro creamos os distintivos “Comeixe” e “Raposa”, en referencia á denominación de dúas das propiedades familiares preponderantes. Con eles, na Fundación Malvar procuramos a publicación das fontes documentais máis relevantes para a historiografía familiar -quer procedentes do Arquivo da institución, quer existentes noutras coleccións-, identificando a documentación relativa ás parroquias de Salcedo (Pontevedra), Laxe (Moraña) e Cequeril (Cuntis), entre outras.
Fundación Malvar 